عارفه(2) ... يعني إيه بحبك؟؟؟
يمكن أكون اتأخرت على ما قولتها...
ويمكن أكون اشترطت حاجات كتير عشان أقولها...
يمكن ده بسبب ان الراجل فعلا بخيل في مشاعره(قد يتفق في ذلك البعض وقد يعترض الكثير)
لكن السبب الأهم فعلا واللي معلهوش خلاف إن الكلمه دي عند الراجل(مش العيل السيس ولا الواد العطعوط)بتحمل معاني كتير أوي...
لابد يكون واثق انه قدها وإلا ميقولهاش
فالكلمه دي عنده بمثابه الوعد(ووعد الحر دين عليه)
عارفه بقا .. يعني ايه كلمه بحبك؟؟؟؟؟؟؟؟؟؟؟
بحبك ..
يعني مسؤوليه يعني إلتزام يعني عهد يعني واجب كلفت بيه نفسي برضاي
يعني من الأخر الهم بقى همين!!!!!
مقصدش بالهم هنا الغمه والكدر لكن اقصد بيه هنا المسؤليه والانشغال
يعني ابقى مشغول بيكي وشايل همك وعايز اطمن عليكي
حاسس إن عليا مسؤوليه تجاه الشخص اللي هيشاركني حياتي وهيكمل معايا الطريق
عايز اوصل بيكي لبر الأمان عايز أطمنك تجاهي
خايف عليكي حتى من مجرد كلمه ممكن تخرج من واحد ........ تزعلك أو تؤذيكي
عايز ابقى الشخص اللي تحسي معاه بالأمان واللي تقدري تعتمدي عليه بقيه حياتك
عارفه .. يعني إيه بحبك؟؟؟؟؟؟؟؟؟؟
يعني عايزك تبقي ليا لوحدي!!!
أنا وأنا فقط!!!!!!
مش عايز اي حد تاني يشاركني ولو حتى كان في خيالك!!!!!!!!!
سميها أنانيه - حب إمتلاك - تعسف - غيره - حب - عشق
سميها زي ما تسميها بس ده انا شايفه اكبر دليل على حبي ليكي حتى ولو كان قدام نفسي أنا فقط
عارفه .. يعني إيه بحبك؟؟؟؟؟؟؟؟؟؟
يعني أفرح لفرحك وأزعل لزعلك إبتسامتك تريحني وهدوئك يشدني ليكي أكتر
يعني لما اشوفك قصاد عيني حيائي يمنعني ان ابحلقلك مع اني مشتاقلك
يمكن مكنش حاسس الكلام ده قوي وشايفه فلسفي زياده عن اللزوم
يمكن عشان مجربتوش او لسه مخضتش تجربته
لكن احساسي بمجرد المسؤوليه والالتزام تجاه شخص ارتضيته كشريك أو أكثر !!
يكفيني عشان أقولك بحبك
في الوقت اللي هتأكد فيه.....
اني قد المسؤليه دي
اني قد الالتزام ده
اني اقدر افي بالعهد اللي قطعته على نفسي
اني اقدر اكون الشخص اللي يكون سندك وامانك في الدنيا
اني اقدر احققلك ساعدتك وطموحك
ساعتها بس اقدر اقولك
هل تقبليني زوجا ؟؟؟؟؟؟؟؟؟؟؟؟؟؟؟؟؟؟؟
لكن دي برده مش نهايه القصه...
TO BE CONTINUED
