عارفة يعني ايييه بحبك ؟؟؟
يعني بشوفك أحلي واحدة في أي مكان تكوني فيه
يعني ابتسامتك ليا (كالماء للظمآن في صحراء قاحلة)
يعني طول ما أنتي مبسوطة أنا كمان مبسوط
يعني حبي ليكي قصة جديدة و غريبة بجد
مش زي أي حبيب نفسه يفضل طول الوقت معاكي
دا كل ما تبعدي و أشوفك مرة صدفة تبقي أحلى من ألف ميعاد
يعني يكفيني منك نظرة وابتسامة و انتي واقفة بعيد مع صحباتك
يعني ببقي أسعد واحد في الدنيا لما بشوفك وأنتي بتغيري عليا لو كلمت بنت تانية
يعني عمري مقولتلك كلمة حلوة بس كل تصرفاتي بتقول بحبك و أنتي راضية بكده
يعني عمري مامسكت ايدك حتى بعد الخطوبة عشان عاهدت نفسي على كده يوم ما حبيتك
يعني عمري ما كنا مع بعض لوحدينا مهما كنتي واثقة فيا
يعني يوم ماحبيتك قلت أهم حاجة أن ربنا يرضي عننا و عن تصرفتنا
يعني حبي ليكي مش وقفة وكلام و هزار دا احترام متبادل و الكلام الجاد هو متعتنا
يعني اول حاجة طلبتها منك أن مامتك تعرف اني بحبك واني مستعد أقابلها كمان
يعني عمري ما عطلتك عن المزاكرة و قلتلك بتحبيني أكتر ولا الكتب بتاعتك دي
يعني اتفقت مع نفسي افضل أعامليك عادي لحد لما بيقي بينا حاجة رسمي
يعني يوم لما جيت اتقدملك كنت واثق أن بابا و ماما هيفرحوا أني هارتبط بواحدة زيك
يعني يوم لما شوفتيك افتكرت ( فاظفر بذات الدين تربت يداك )
