كلمتين
يبدو والله أعلم ان بقى لي الشرف أكتب أول بوست على هذه المدونة( تعديل : ده تاني بوست ! ) ، وبيتهيألي دي صدفه ﻷن صاحب الفكره ، ضياء السواحلي بعتلي دعوه على الميل. فدخلت وقلت لربما ألاقي حاجه أكتبها تناسب المكان ، وأعدت أفكر في حاجه "تخينه" و "فخمه" .. وفي الآخر قلت المفترض أن المكان هنا هو استراحة ، تسند "دماغك اللغوي" على مخدة "البوست" وتكتب ما تيسر لك من الكلمات ..
بدايةً ، شكر واجب لزميلنا العزيز ضياء السواحلي صاحب الفكره ومنفذها ، النشيط دائما ، ال"مهيبر" وأحيانا "المكهرب" .. جلي الدفعه ، ما تبصليش يا ضياء كده انت الي جبته لنفسك ، وتسلم ايدك وافكارك المبدعه دائما..
رمضان كريم علينا جميعا ، المدونه دي هي حله كبيره ( مش هقول بوتقه ، ماليش مزاج ) هنحط فيها كل انواع كل حاجه تيجي في دماغ أي حد مننا ، ابداعاتنا في الكتابه ، نتشاركها مع بعض ونتحد عليها. نتعاتب او نتناقش او نفضفض ، أي حاجه. الفكره أعتقد بدأنا فيها متأخر شويه ، يمكن علشان دفعات زي سنه 2 وسنه 8 ( الي هما دلوقتي متخرجين يعني ) عاملين مدوناتهم من زمان.
متقلبون ، متحيرون ، أحيانا متخالفين ، وأحيانا متحالفون ، متنافسون وومتصاحبون بردو ، بيننا الحبيبون المتعاهدون ، وبيننا المترقبون المتنظرون ، وآخرين باحثون ، فربما تجد مرادها بيننا او يجده بينكن. احيانا كثيرة عبيطون ، و غير ناضجين ، ولكن تكبرون وانا منكم بس القافيه حكمت التاء بدل النون ! موسوسون ، ساعات منحوسون ! بس بنجيبه لنفسنا .. طيبون ، متناقضون ، نجيب شلل أحيانا ، بس نموت من الضحك أحيانا أخرى. مرعوبون على طول ، بينا المتنططون على خلق الله ، وبينا المتواضعون ، وفي الفيلسوفيون ، فينا الشيوخ و الرهبان ! افعل وﻻ تفعل بيننا الديموقراطيون ، والديكتاتوريون ﻷ وكمان المتسلطون ، اه وربنا ! ليبراليون ، شيوعيون ، ذوي مرجعية دينية ما ، ثوريون ، "كنبيّيون"، مولولون أحيانا ، وأحيانا خائفون. متعقلون او مندفعون .. طامعون ، سلبيون وايجابيون ، دحيحون ، مطرقعون ، او غير متاقلمين. حالمون وتقليديون و مطنشون وكتير مش عارفين يعملوا ايه ، منتظرون او ساعون ، وفي الآخر"بشريون" يعني من الآخر مجتمع بشري .. بيئه كامله .. مشتركون في حاجات كتير ومختلفون بردو في حاجات كتير .. الي عنده حاجات نون نون تانيه يحطها ، وماحدش يقولي المفروض تبقى منصوبه وﻻ مجروره بالياء علشان مش هعدل كل ده ، وبعدين هيا نطقها كده حلو .. عرفتوا بتكلم عن مين ؟ او مينون !
دي اول حاجه اكتبها ، والله الموفق !
اضافة من محمد سامي :
طاقين وطموحين وموش عارفين اخرتها فين وزينا زي كل المصريين لحد دلوقتي مشتتين بس اهه ما فيش قدامنا غير نقول يا معين
أحمد العيص
الكاركاديه هو الحل
يبدو والله أعلم ان بقى لي الشرف أكتب أول بوست على هذه المدونة( تعديل : ده تاني بوست ! ) ، وبيتهيألي دي صدفه ﻷن صاحب الفكره ، ضياء السواحلي بعتلي دعوه على الميل. فدخلت وقلت لربما ألاقي حاجه أكتبها تناسب المكان ، وأعدت أفكر في حاجه "تخينه" و "فخمه" .. وفي الآخر قلت المفترض أن المكان هنا هو استراحة ، تسند "دماغك اللغوي" على مخدة "البوست" وتكتب ما تيسر لك من الكلمات ..
بدايةً ، شكر واجب لزميلنا العزيز ضياء السواحلي صاحب الفكره ومنفذها ، النشيط دائما ، ال"مهيبر" وأحيانا "المكهرب" .. جلي الدفعه ، ما تبصليش يا ضياء كده انت الي جبته لنفسك ، وتسلم ايدك وافكارك المبدعه دائما..
رمضان كريم علينا جميعا ، المدونه دي هي حله كبيره ( مش هقول بوتقه ، ماليش مزاج ) هنحط فيها كل انواع كل حاجه تيجي في دماغ أي حد مننا ، ابداعاتنا في الكتابه ، نتشاركها مع بعض ونتحد عليها. نتعاتب او نتناقش او نفضفض ، أي حاجه. الفكره أعتقد بدأنا فيها متأخر شويه ، يمكن علشان دفعات زي سنه 2 وسنه 8 ( الي هما دلوقتي متخرجين يعني ) عاملين مدوناتهم من زمان.
متقلبون ، متحيرون ، أحيانا متخالفين ، وأحيانا متحالفون ، متنافسون وومتصاحبون بردو ، بيننا الحبيبون المتعاهدون ، وبيننا المترقبون المتنظرون ، وآخرين باحثون ، فربما تجد مرادها بيننا او يجده بينكن. احيانا كثيرة عبيطون ، و غير ناضجين ، ولكن تكبرون وانا منكم بس القافيه حكمت التاء بدل النون ! موسوسون ، ساعات منحوسون ! بس بنجيبه لنفسنا .. طيبون ، متناقضون ، نجيب شلل أحيانا ، بس نموت من الضحك أحيانا أخرى. مرعوبون على طول ، بينا المتنططون على خلق الله ، وبينا المتواضعون ، وفي الفيلسوفيون ، فينا الشيوخ و الرهبان ! افعل وﻻ تفعل بيننا الديموقراطيون ، والديكتاتوريون ﻷ وكمان المتسلطون ، اه وربنا ! ليبراليون ، شيوعيون ، ذوي مرجعية دينية ما ، ثوريون ، "كنبيّيون"، مولولون أحيانا ، وأحيانا خائفون. متعقلون او مندفعون .. طامعون ، سلبيون وايجابيون ، دحيحون ، مطرقعون ، او غير متاقلمين. حالمون وتقليديون و مطنشون وكتير مش عارفين يعملوا ايه ، منتظرون او ساعون ، وفي الآخر"بشريون" يعني من الآخر مجتمع بشري .. بيئه كامله .. مشتركون في حاجات كتير ومختلفون بردو في حاجات كتير .. الي عنده حاجات نون نون تانيه يحطها ، وماحدش يقولي المفروض تبقى منصوبه وﻻ مجروره بالياء علشان مش هعدل كل ده ، وبعدين هيا نطقها كده حلو .. عرفتوا بتكلم عن مين ؟ او مينون !
دي اول حاجه اكتبها ، والله الموفق !
اضافة من محمد سامي :
طاقين وطموحين وموش عارفين اخرتها فين وزينا زي كل المصريين لحد دلوقتي مشتتين بس اهه ما فيش قدامنا غير نقول يا معين
أحمد العيص
الكاركاديه هو الحل
